تونس تتزين و تونس تزينت بينا نهار الاحد 5 ديسمبر 2021 في الحديقة اليابانية.خاطر نحبو بلادنا و خاطر دورنا ننشرو الوعي و نخليو بصمة إيجابية وين ما أحنا، تلمينا نهار الأحد في إطار تحقيق أهداف الإستدامة، وين دارت حلقة نقاش بحضور ممثلين عن المجتمع المدني و المؤسسات الحكومية، حول الواقع التونسي في إطار ثتثمين النفايات، الأنشطة الحالية في إطار محاربة التلوث و المسؤولية الفردية في خلق بصمة بيئية سلبية و إيجابية.حلقة النقاش لحقتها حصة في فن Tai Chi كان الهدف منها تعزيز إرتباطنا كأفراد بالمحيط متاعنا و الطاقة لي دايرة بينا بقيادة المدرب محمد الغرياني. و ختمنا نهارنا المزيان بمحواسة بالبيسكلات في إطار نشر ثقافة إستعمال الدراجات الهوائية كبديل للتنقل في مسافات قريبة و زادة كتعزيز لصحتنا البدنية و النفسية.و بالطبيعة ما إنجموش مانشكروش شركاؤنا في اللمة هذي Vélorution Tunisie و TMI .شكر خاص لكل من ساهم في النشاط هذا و آمن إنو تونس ما تتزين كان بينا.شكرا جزيلا
No Comment